طبعا إحنا لينا تجربه في تدريس اللغه الصينيه لطلبة اداب قسم صيني في بنها
راندا الإنستراكتور اللي مسؤوله عن الجزء ده ، لاحظت بعض الحاجات وهي بتدرس
ولما بدأت تشتغل عليها مع الطلبه بتوعها ، النتايج إتحسنت كتير جدا
تقدر تعتبرها تريكات بسيطه جدا كانت بتنفذها معاهم ، وقررنا نشاركها معاك ، و هتفرق وإنت بتراجع جدا جدا
خلينا نبدأ بأول حاجه
مثلا في مادة الجرامر أو قواعد اللغه
كلنا طبعا بنشوفها أرخم حته في الموضوع كله
المشكلة كانت في إن الطالب مش قادر يفهم القاعده كامله ، بيفهم بس الجزء السهل اللي فيها ، والجزء الصعب بيقع
كمان وهو جاي يحل أي جمله مابيبقاش قادر إنه يختار القاعده المناسبه لحل الجمله دي
مشكله صح
طب والحل
فكرة الربط بين القواعد وبعضها هيخليه يقدر يلاحظ الفروق بينهم كويس ،
زائد كمان التركيز خليناه علي نقطة الضعف اللي بتخلي القاعده تقع منه ، ويحل عليها كتير بنفسه مع إشراف طبعا الإنستراكتور
تاني حاجه مادة الترجمه
المشكله اللي ظهرت إن الطالب كان بيترجم ترجمه حرفيه لكل كلمه سواء من صيني لعربي أو العكس
فين بقي فهم الجمله
وفين بقي الترتيب المناسب للجمله بناء علي اللغه الصينيه نفسها
إحنا كده مافرقناش حاجه عن جوجل ترجمه
الحل إيه طيب
إنك تفكر في الجمله
دي ترجمه ، يعني المعني هو سيد الموقف
إنت في النهاية بتتعلم تترجم لبني ادمين زيك
كمان كان بيتعلم إنه مايكتفيش بمعني واحد بس ، لأ كانت الجمله الواحده بيطلعلها أكتر من ترجمه
عمره ماهيقدر يوصل لكده إلا إذا كانت ثقافة التجربة والخطأ موجوده
ودا اللي راندا بتعمله في التدريب أو التدريس وحتي المراجعه
تالت حاجه مادة الإستماع
الطالب طبعا بيسمع نصوص بودانه ، بس عقله لسه مش فاهم هو بيسمع إيه
هي مشكلة فهم المعني
طب وكان الحل إيه
تكرار السماع مرات كتير من غير زهق ، لحد مايقدر يفهم معناها ، وبيدأ يقدر يعبر عنها ويكررها بنفسه
وبعدها يقدر الإنستراكتور يفهمه المعني بتاع الجمله يكون إيه
اخر حاجه مادة المحادثه
هنا أكبر مشكله إن الطالب عمال يحفظ في نصوص المحادثه ،وهو تقريبا مش عارف النص بيتكلم عن إيه
ولا حتي عارف الهدف من النص ده دونا عن غيره
كان الحل
ببساطه لازم الدرس يتشرح كامل كله ، وبعدها الطالب بيكون قادر إنه يحط أسئلة لكل حته في الدرس
وبعدها يقوم مجاوب عليها بطريقته
لو محتاج تراجع قبل الإمتحانات شوف البوست ده وسجل بياناتك في الفورم اللي فيه
إحنا خلصنا كده خلاص ، وشاركنا معاكم تريكات بسيطه هتساعدكم وإنتم بتراجعوا قبل الإمتحان
لو عندكم مشاكل تانيه بتقابلكم تعالوا نتناقش فيها في الكومنتات تحت
ومنشن صحابك اللي بيراجعوا علشان يستفيدوا معاك